كود علي الصافي العيون ///

سيدنا فخطابو البارح فافتتاح الدورة الأولى من السنة التشريعية الأولى من الولاية التشريعية الثانية عشرة بمجلس النواب قدم تشخيص للوضعية اليوم. سيدنا قال باللي كيتسنى باش تشكل هاد الولاية التشريعية والحكومية “منعطفا حقيقيا لمواصلة طموح المغرب، كقوة اقتصادية صاعدة وموثوقة، في توازن وانسجام بين النمو الاقتصادي، وتعزيز العدالة الاجتماعية والمجالية”

سيدنا فهادي اشار ان الحكومة اللي جاية ماشي حكومة قطيعة، بل حكومة كتكمل خدمة اللي بداتها حكومات سابقة منها حكومة اخنوش.

سيدنا بعد ما عبر على ان “أغلى إحساس عندي في حياتي، هو اعتزازي بمغربيتي” وباللي هاد الاحساس اللي عبر عليه ف2014 كتزيدو السنوات قوة ورسوخ وبعد ما شدد على عراقة بلادنا واعتزازها بهويتها الغنية بمكونانها، اشار، وهادا فيه كذلك اشادة بالخدمة الحكومية اللي دارت بالمكاسب السياسية باش قال “نعتز أيضا بما حققناه من مكاسب سياسية ودبلوماسية، ومن إنجازات تنموية واقتصادية واجتماعية، غيرت وجه المغرب” هادا تأكيد على الخدمة اللي دارتها الحكومات السابقة.

سيدنا اكد ان الحكومة خاصها تسرع “المشاريع المبرمجة، في البنيات التحتية، يتعين إطلاق جيل جديد من الاستراتيجيات الكبرى، لاسيما في مجالات الأمن المائي والطاقي والغذائي، والإقلاع الصناعي، والاقتصاد الرقمي، والذكاء الاصطناعي”

ودعا للتعجيل ب”تطوير قدرات المملكة، في مجال الاحتياطات الاستراتيجية، وتأمين توريد المواد الأساسية”.

سيدنا فهاد الخطاب اشاد بحكومة اخنوش بالخدمة اللي دارت. طلب الايقاع يترفع والوثيرة تمشي بسرعة